ថ្ងៃយប់ថ្ងៃទី១៥ឈានចូលថ្ងៃទី១៦ មិថុនា នេះនៅវេលាម៉ោង 01:22:37 រហូតដល់ម៉ោង 04:03:22 ព្រឹកនេះនឹងមានបាតុភូតច័ន្ទគ្រាស ។ ព្រឹត្តិការណ៍នេះមានរយៈពេលយូររហូតដល់ទៅ ៣ម៉ោង ៣៩នាទី ។
សូមអញ្ជើញបងប្អូនអ្នកភូមិយើងរងចាំមើលទាំងអស់គ្នាណា តែមិនដឹងថាស្រុកយើងមើលឃើញឬអត់ទេ ? (យប់នេះមិនបាច់គេងទេ ចាំមើលទាំងអស់គ្នាណា !) ព័ត៌មានបន្ថែម…
Posted by pkay_sour on June 16, 2011 at 9:36 am
មិនមែននៅប្រទេសយើងហេណ៎? ផ្កាយមើលអត់ឃើញអីផង
Posted by khmerling on June 16, 2011 at 10:56 am
ប្រហែលស្រុកយើងក៏មើលឃើញដែរ តែអាចមកពីរឿងនេះមិនមែនជាប្រធានបទក្តៅ ហើយតាមវេលាដែលបាតុភូតធម្មជាតិនេះកើតឡើងចំពេលម្នាក់ៗលង់ដំណេកទៅហើយ ។ នៅក្នុងប្រិតទិនរបស់លោក អ៊ឹម បូរិន្ទ ថា ចន្ទគ្រាសឆ្នាំ ២០១១នេះមានឡើងនៅថ្ងៃទី ១៥ មិថុនា ពីម៉ោង ១.២៣ ដល់ ៥.០៣ (ព្រឹក) ហើយអាចមើលឃើញនៅ ស្ទើរគ្រប់ទិសទីនៃពិភពលោក ក្នុងនោះមាននៅអាស៊ីផងដែរ ។ តាមតំណភ្ជាប់ដែលVstheaដាក់ឲ្យ នៅស្រុកថៃដែលមានខេត្តក្របស់គេក្បែរៗយើង ក៏មើលឃើញដែរ ។ សរុបមកនៅខ្មែរយើងទំនងជាមើលឃើញដូចស្រុកគេជាប់យើងដែរ ។ ស្តាយដែរដែលឆ្នាំនេះមិនបាននៅមើលចន្ទគ្រាស ។ រាល់ដងឲ្យតែមានហេតុការណ៍នេះកើតឡើង ស្នូរគោះក្តុងក្តាំងលាន់ឡើង ។ ខ្លះគោះដើមឈើ ឲ្យចេញផ្លែ…។
Posted by somada on June 16, 2011 at 11:16 am
មែនហើយលោកខ្មែរលីង ចាស់ៗ យើងជឿខ្លាំងណាស់ ឲ្យតែមានច័ន្ទគ្រាសគាត់នាំគ្នាដើរគោះដើមឈើ ដើម្បីឲ្យវាសម្បូរផ្លែផ្កា ។ ខ្ញុំចាំបានថាកាលនៅក្មេង ៗ ធ្លាប់ដើរគោះដើមកន្ទួត និង ដើមអំពិលទឹកដែលដុះនៅខាងក្រោយផ្ទះជាមួយប៉ារបស់ខ្ញុំ ។
Posted by បុរិន្ទ on June 16, 2011 at 11:42 am
សោកស្តាយណាស់ដឹងដំណឹងអត់ទាន់។
កាលនៅតូច ខ្ញុំក៏ធ្លាប់វាយធុង ឬប៉ោតដែរ ថែមទាំងស្រែកឡូឡាយទាំងកណ្តាលយប់ សប្បាយដែរ
Posted by Love Kampuchea on June 16, 2011 at 11:29 pm
Is it in Thailand?
Posted by somada on June 17, 2011 at 8:43 am
I’m in Thailand. In Asian can see this event. thanks for your comment.
Posted by wealsrae on June 20, 2011 at 12:03 pm
អ្នកស្រុកគេហៅបាតុភូតហ្នឹងថា រាហ៊ូចាប់ចន្ទ ។
Posted by somada on June 20, 2011 at 1:53 pm
អរគុណដែលបានចូលរួមបញ្ចេញយោបល់ មែនហើយលោកវាលស្រែ ចាស់ ៗ ស្រុកយើងហៅថារាហ៊ូចាប់ច័ន្ទ ។