ដើម្បីអបអរសាទរក្នុងឱកាសប្រារព្ធខួប៨ឆ្នាំនៃការបង្កើត មហាវិទ្យាល័យវេជ្ជសាស្រ្ត និង ឱសថសាស្រ្តរបស់សាកលវិទ្យាល័យមហាសារខាមនេះ នាថ្ងៃទី ២១ ខែ វិច្ឆិកា ២០១១ នៅ មហាវិទ្យាល័យ វេជ្ជសាស្រ្ត និង ឱសថសាស្រ្តផ្តល់ជូននូវការពិនិត្យសុខភាពដោយឥតគិតថ្លៃ ។ ប្រភេទជម្ងឺដែលពិនិត្យជូនមានដូចជា ៖
១. ពិនិត្យជម្ងឺ ទឹកនោមផ្អែម លើសឈាម និង ជម្ងឺធាត់
២. ពិនិត្យប្រភេទឈាម
៣. ជម្ងឺបេះដូង
៤. ការពិគ្រោះយោបល់ និង ផ្តល់ការណែនាំអំពីសុខភាព
(ការពិនិត្យសុខភាពខាងលើនេះនិងត្រូវចំណាយ ១០០០បាទប្រហែលជា ៣៣ដុល្លាសម្រាប់ថ្ងៃធម្មតា)
សូមបញ្ជាក់ផងដែរ កាលពីសប្តាហ៍មុនគេមានចាក់ថ្នាំបង្កាជម្ងឺ ផ្តាសាយធំ (H5N1) ដោយឥតគិតថ្លៃផងដែរ ។ គ្រួសារយើង ទាំងបួននាក់បានចាក់ថ្នាំការពាររួចរាល់ហើយ ចុះបងប្អូនយើងនៅឯស្រុកខ្មែរ យ៉ាងម៉េចដែរ ចាក់ថ្នាំការពារហើយឬនៅ ?
ប្រភពព័ត៌មាន
vsthea 
Posted by pkay_sour on November 21, 2011 at 9:32 am
នៅទីនេះអត់មានទេបងអើយ បើទោះមានក៏ពិបាកទទួលពត៌មានដែរ ទម្រាំបានទទួលនោះគឺអស់ថ្នាំបាត់ហើយ ។ 🙂
Posted by somada on November 21, 2011 at 2:13 pm
បងចាំបានថាដូចជានៅឆ្នាំ ២០០៨ កាលនោះ ទើបមានជម្ងឺផ្តាសាយបក្សីដំបូង នៅមន្ទីរពេទ្យកាល់ម៉ែត្រមានថ្នាំចាក់ការពារជម្ងឺផ្តាសាយបក្សីនេះ តែមួយម្ជុល ២០ដុល្លា ។ កាលនោះប្រុងនឹងទៅចាក់នឹងគេដែរ តែគេប្រាប់ថាអស់ថ្នាំទៅហើយ ។
Posted by pkay_sour on November 23, 2011 at 2:26 pm
មិនងាយទេបងអើយ នៅស្រុកយើងបងដឹងច្បាស់ហើយ ថាពិបាកណាស់ ពត៌មានមិនសូវទូលាយ ហើយម្យ៉ាងនោះស៊ីលើស៊ីហើយ ។ សូម្បីថ្លើមអីនឹងក៏មិនសូវដឹងដែរ បើថាបានដឹងមែនក៏ មិនមានអារម្មណ៍ចង់ដែរ មូលហេតុគឺប្រជ្រៀតគ្នាចង់បែកខ្ទិះហើយ ខ្លាចខ្យល់គមុនពេលបានចាក់ថ្នាំបង្ការ 🙂
Posted by Khmerling on November 26, 2011 at 10:57 am
ฺពេលចាក់ថ្នាំបង្ការម្ដង ហេតុអ្វីបានជាអ្នកខ្លះត្រូវក្ដៅខ្លួនមានអាការៈមិនស្រួលខ្លួន ។ បើចាក់ទៅត្រូវឈឺចឹង ល្អទេ ?
Posted by somada on November 28, 2011 at 10:58 am
ខ្ញុំក៏មិនបានដឹងដែរខ្មែរលីង តែគ្រាន់តែដឹងថាមុនពេលចាក់ចាក់ថ្នាំបើយើងមានអាការៈគ្រុនក្តៅគឺពេទ្យគេមិនចាក់ឲ្យយើងទេ ។ អរគុណខ្មែរលីងដែលបានចូលមកលេង ។