សម្លប្រហើរ គឺជាឈ្មោះសម្លមួយប្រភេទដែលមានបង់គ្រឿងស្លឹកគ្រៃ និង មើមខ្ជាយជាប្រធានមានក្លិនប្រហើរ ។
តែសម្រាប់សម្លទំពាំងចាត់ទុកជាសម្លប្រហើរមួយមុខដែរ តែវាមិនបានប្រើគ្រឿងផ្សំដូចជាសម្លប្រហើរដទៃទៀតនោះទេ ។ តែវាបែរជាមានគ្រឿងផ្សំខុសពីសម្លប្រហើរទូទៅទៅវិញ ។ ជាទូទៅសម្លប្រហើរខ្មែរយើងស្លចាំបាច់ត្រូវតែមានត្រីជានិច្ចទោះជាត្រីនោះជាត្រីអាំងត្រីស្ងោរឬ ជាត្រីឆ្អើរក៏ដោយគឺចាំបាច់ត្រូវតែមានព្រោះយើងគិតថាបើគ្មានត្រីផ្សំជាមួយទេនោះសម្លពិតជាគ្មានរសជាតិ ។
នៅពេលនេះខ្ញុំសូមណែនាំម្ហូបមួយមុខដែលមានឈ្មោះថា “សម្លទំពាំង ឬ សម្លផ្សិត” ។ សម្រាប់មុខម្ហូបទាំងពីរនេះមានគ្រឿងផ្សំដូចគ្នាតែគេស្លដោយមិនដាក់ត្រី និង ស្លឹកគ្រៃដូចសម្លទំពាំងខ្មែរយើងដែរ ហើយគេដាក់ជីសរ ឬ ជីលីងល័ក្ត(ហៅតាមអ្នកកំពង់ធំ) ព្រមទាំងអង្ករបុក(ត្រាំទឹកហើយបុកឲ្យល្អិត តែដោយសម័យនេះគេជឿនលឿន គេប្រើម៉ាស៊ីនក្រឡុកវិញ ធូរកម្លាំងមួយកម្រិតដែរ) ។ ចំពោះបន្លែវិញអ្នកស្រុកនេះគេនិយមញ៉ាំផ្សិត និងមានលាយល្ពៅ ព្រមទាំងននោងផងដែរ ។ បងប្អូនឃើញននោងទេ ? អ្នកស្រុកនៅទីនេះគេធ្វើហូបខុសប្លែកពីយើង គឺននោងគេស្លគេមិនចិតសម្បកចេញទេ ហើយគេមិនបានទុកវាឲ្យធំទាន់ទេ ប្រហែលជាប៉ុនមេជើង ឬ ធំជាងមេជើងបន្តិចប៉ុណ្ណោះ គេក៏បេះយកមកស្លបាត់ទៅហើយ យើងធ្លាប់តែស្ងោរត្រឡាចខ្ចី តែដល់មកជួបអញ្ចឹងដំបូងមិនហ៊ានញ៉ាំទេ មានអារម្មណ៍ថា គគ្រិច តែដល់បានញ៉ាំមានអីជាប់មាត់ ញ៉ាម ចំណែកត្រឡាចវិញ ពេលខ្ចីគេមិនបេះស្លឬ លក់ទេ គេទុកទាល់តែចាស់ ឬ ស្ទើរតែទុំទើបគេបេះ អូភ្លេចមានស្អំមួយមុខទៀត ។
ខាងក្រោមនេះគឺជារូបថតសម្លទាំងពីរមុខនេះ
សម្លទំពាំង សម្លផ្សិត គ្រឿងផ្សំ ស្កសរ អង្ករបុក ប្រហុក ម្ទេស
បន្លែអាចជ្រើសរើសបានតាមចំណូលចិត្ត ឬ អាចដាក់គ្រប់មុខក៏បាន ។
Posted by លី កល្យាណ on September 6, 2012 at 2:49 pm
ចូលចិត្តដែរ តែបើមិនដាក់ខ្ទិះទេ ដូចជាយ៉ាងម៉េចមិនដឹង។
ខ្ញុំធ្លាប់ហូបសម្លទំពាំងខាងលើដែរ ជាពិសេសមានដាក់អង្ករបុក រសជាតិតាមបែបអ្នកស្រុកលើ (ហៅតាមម៉ែទេ) តែបានតែក្តៅៗទេ តែទុកដល់ត្រជាក់ច្បាស់ជាង៉េមង៉ាមហើយណា៎
Posted by somada on September 6, 2012 at 2:56 pm
គេញ៉ាំក្តៅ ៗ ហ្នឹងហើយឆ្ងាញ់ សម្លខាងលើនោះមិនមានខ្ទិះទេ ។
Posted by លី កល្យាណ on September 6, 2012 at 3:46 pm
តេសួរម៉ែមិញនេះ ផ្ទះខ្ញុំហៅសម្លនេះសំឡក់ ច្រើនដាក់ត្រីឆ្អើរបុក
Posted by somada on September 6, 2012 at 4:45 pm
សំឡក់ខុសពីនេះកល្យាណ ផ្ទះបងស្លសំឡក់ហ្នឹងក៏ដាក់ត្រីឆ្អើរដែរ តែអត់បុកទេ គ្រាន់តែយកស្បែកចេញ (នេះបើត្រីឆ្អើរមានស្រកា) និង បេះឆ្អឹងចេញដែរ គឺបេះយកតែសាច់ដាក់ស្លប៉ុណ្ណោះ បន្លែមានដូចជាស្លឹកផ្ទីត្រឡាច ចំណែកស្លឹកគ្រៃវិញញីដាក់ ។ សម្លនេះបើញ៉ាំពេលល្ងាចមេឃត្រជាក់ ៗ ឬ មានភ្លៀងពិតជាឆ្ងាញ់ខ្លាំងណាស់ ។
Posted by លី កល្យាណ on September 6, 2012 at 5:13 pm
ផ្ទះខ្ញុំ សំឡក់លាយសព្វលាយគ្រប់ ឱ្យតែមានក្បែរផ្ទះ ជួនទៅសំឡក់របស់គាត់ក៏មានពោតដែរ ផ្សិតច្រម៉ាស់ ផ្សិតកញ្ចូ ស្លឹកបាស ផ្ទី ត្រួយល្ពៅក៏មានដែរ ជួនទៅផ្សិតដែលដុះនឹងដើមអង្គាដីងាប់ ននោង ត្រលាច ជួនមានទាំងត្រសក់ផ្អខ្ចី ទំពាំងខ្ញុំចូលចិត្តលេខមួយ តែត្រីឆ្អើរច្រើនតែបុក ព្រោះខ្ជិលទំពារ ជួនកាលគេស្ល សម្រាប់តែខ្ញុំម្នាក់គេបុកត្រីទៅ តែបើស្លគ្នាច្រើនគេអត់បុកទេ ដាក់ត្រីស្រស់ដុំៗ។ ខ្ញុំអត់ចេះធ្វើអីទេ តែពេលម៉ែប្រើខ្ញុំដឹងថាគាត់ដាក់អីៗដែរ ភ្លេច នៅមានម្ទេសប្លោក ខ្ចីទៀត ឬជួនកាលម្ទេសដៃនាង។
Posted by ភរិយានិងម្ដាយម្នាក់ on September 8, 2012 at 4:18 pm
ស្រក់ទឹកមាត់ គ្រាន់តែអានការរៀបរាប់របស់បងកល្យាណ
Posted by somada on September 6, 2012 at 5:18 pm
អូចម្រុះផស់គេមែន នេះប្រហែលមកពីផ្ទះបងនៅឆ្ងាយពីបន្លែអស់នោះផងក៏មិនដឹង ចាំឱកាសល្អ សុំទៅភ្លក្សស្នាដៃអ៊ំស្រីម្តង ។ និយាយពីរឿងអ៊ំស្រីវិញតែងខ្លួនឲ្យឡើងខ្ញង់តែហ្មងហើយ ឯកូនវិញមិនអត់ចេះអីម៉ាក្បាច់សោះមើលទៅ អ៊ំស្រីគាត់ពិតជាពូកែតុបតែងខ្លួនមែន ម៉េចក៏មិនរៀនតាមគាត់ខ្លះទៅ? ក្រែងលោបងឆាប់បានស៊ីការឆាប់ ៗ ។
Posted by លី កល្យាណ on September 6, 2012 at 5:41 pm
អ្នកដែលធ្វើឆ្ងាញ់ជាងគេ លែងធ្វើកើតហើយ ស្តាយណាស់បងអើយ កុំអីបបួលទៅលេងមិនខាន ខែនេះផ្ទះខ្ញុំសម្បូរបន្លែដែរ ។
គំនិតខុសគ្នាដាច់ស្រឡះ ខ្ញុំក៏ជួនកាលឆ្ងល់ខ្លួនឯងដែរ។ ប្រហែលជាកូនរើសបានកាល សម័យប៉ុលពតមិនដឹង។ ថាលេងទេបង តែហ៊ាននិយាយចឹងហើយគាត់ឮ ខឹងដាច់ក្បាល ដាច់កន្ទុយ តែកាលពីក្មេងគាត់ថាខ្ញុំកូនរើសបាននៅជិតសាលារៀនក្រោមដើមគ្រាប់បែក។
គ្មានព្រះ អង្គណា ប្រដៅបានឡើយ។
Posted by somada on September 6, 2012 at 6:06 pm
មិនទាន់ដឹងអីផងបដិសេធមុនបាត់ទៅហើយ ចុះអ៊ំស្រីស្លអត់ឆ្ងាញ់មែនទេ ?
ហ៎ាស់ ហា អញ្ចឹងតើបានជាក្បាលរឹងដូចគ្រាប់បែក ។
Posted by លី កល្យាណ on September 6, 2012 at 6:10 pm
ម៉ាក់ស្លបានតែកូនគាត់ញ៉ាំទេ ព្រោះកូនចេះតែទ្រាំទៅ ធ្វើម៉េចម្តាយទៅហើយ។ ជីដូន និងម្តាយចិញ្ចឹមបានកំពូលចុងភៅប្រចាំស្រុក។
Posted by somada on September 6, 2012 at 6:24 pm
អ្ហើយបើគាត់បានឮវិញពិតជាសប្បាយចិត្តអង្គុយញញឹមបិទមាត់មិនជិតនោះទេ ព្រោះកូនគាត់សរសើរគាត់ផ្អើលអស់អ្នកភូមិវើដប្រេស អូហូសុទ្ធតែទ្រាំញ៉ាំទៀត ចាំមើលបើមានឱកាសបានជួបគាត់ជួយដុកថែមឲ្យណាណីហ្មង ។
Posted by លី កល្យាណ on September 7, 2012 at 10:42 am
គាត់ខ្លួនឯងក៏ទទួលស្គាល់ដែរថាធ្វើម្ហូបមិនសូវឆ្ងាញ់។ គ្មាននរណាថាឱ្យគាត់ទេ ចំណែកកូនដឹងចិត្ត ឱ្យតែមាននរណាមកលេងផ្ទះបបួលទៅបាយក្រៅហើយ ព្រោះកុំឱ្យម្តាយពិបាកចិត្តទាន់។ គ្រាដំបូងខ្ញុំនាំមិត្តទៅលេងផ្ទះ គាត់អង្គុយធ្វើម្ហូប ទាំងពិបាកចិត្ត ឡើងខ្ញុំចង់តែសើច។
Posted by លី កល្យាណ on September 6, 2012 at 6:13 pm
អាពីរនាក់នោះចូលចិត្តសម្លផ្សិតមែនទេបង? ចុះបងៗវិញ? ចូលចិត្តជាងគេម្ហូបអីទៅ? តាមត្រូវសួរតាំងពីយូរបានត្រូវ ង៉ាស់ៗៗៗ
Posted by somada on September 6, 2012 at 6:25 pm
បង ៗ សម្លម្ជូរ សម្លប្រហើរ កកូរ ទូទៅស្អីក៏បានដែរ តែសួរនេះសង្ស័យតែត្រៀមរៀនធ្វើម្ហូបដើម្បីទទួលពួកបងមែនទេ ?
Posted by លី កល្យាណ on September 6, 2012 at 9:03 pm
ហ៊ូៗៗៗ!!! បងហ៊ានតែនិយាយឱ្យម៉ែ ឱ្យប្អូនខ្ញុំឮវាសើចបង ទាល់តែជ្រុះធ្មេញ មិនខានរ៉េ។ នរណាទ្រាំហូបម្ហូបញ៉ុមធ្វើកើត មហាកំពូលមនុស្សទ្រាំហើយកំពូល សំណាងរយពាន់លានទៀតផង។ បងៗចង់ឬអត់?
Posted by somada on September 7, 2012 at 6:54 am
ចង់ឲ្យតែគេធ្វើឲ្យញ៉ាំចេះតែទ្រាំញ៉ាំទៅ ដូចកល្យាណទ្រាំញ៉ាំស្នាដៃអ៊ំស្រីអញ្ចឹងដែរ 5555555
Posted by លី កល្យាណ on September 6, 2012 at 9:34 pm
ខ្ញុំចូលចិត្តម្ហូបរូបទីមួយ និងទីពីរ។ រូចអាទីមួយបើថែមស្លឹកបន្លែផ្អែម ឬត្រួយម្ទេស អស់ទាស់ម៉ង។
Posted by somada on September 7, 2012 at 6:59 am
ក្នុងចំណោមរូបទាំងអស់ខាងលើនោះមានតែរូបទីមួយនិង ទីពីរនឹងហើយដែលជាសម្លដែលគេស្លរួច ចំណែកទីបីដល់ទីប្រាំមួយគឺជាគ្រឿងផ្សំប៉ុណ្ណោះឯង ។ សម្លខាងលើនេះអាចចាត់ទុកថា ដូចជាសម្លសំឡក់ស្លនៅផ្ទះកល្យាណក៏បានដែរ គឺអាចដាក់បន្លែចម្រុះតាមចំណូលចិត្ត ។ រូបទី១គឺជាម្ហូបដែលគេធ្វើស្រាប់មួយចាន១៥បាទ ចំណែករូបទី២ជាម្ហូបកុម្ម៉ង់មួយចាន៣០បាទ ។
Posted by ភរិយានិងម្ដាយម្នាក់ on September 7, 2012 at 8:47 am
អត់ដែលហូប អត់ដែលឮ អត់ដែលឃើញ។ ចុះម៉េចបានខុសគេចឹងខ្ញុំ?! បងៗនិយាយគ្នាដូចយល់សាច់រឿងល្អណាស់ ឯខ្ញុំអត់ដឹងអីម៉ាតិចសោះ។
Posted by លី កល្យាណ on September 7, 2012 at 10:37 am
ចិនកាពតចឹងហើយ អត់ដែលញ៉ាំសម្លខ្មែរទេដឹង?
Posted by ភរិយានិងម្ដាយម្នាក់ on September 8, 2012 at 4:24 pm
ជំនាញរបស់អូន គឺសម្លម្ជូរចាស បើមិនជឿសួរប៉ាអាបីនាក់ទៅ ជូរឡើងជ្រេញហ្ន៎ក!!
Posted by លី កល្យាណ on September 28, 2012 at 3:54 pm
ចាំង៉ៃណាជួបគាត់ចាំបញ្ជាក់ឱ្យច្បាស់។
តែថាអ្នកផ្ទះខាងណោះ អីៗក៏មើលទៅដូចជាចូលចិត្តម្ជូរខ្លាំងណាស់ ចឹងតើបានជាស្គមម៉ាគ្រួ។
Posted by Somada on September 29, 2012 at 9:54 am
គ្រាន់តែញ៉ាំសម្លម្ជូរហ្នឹងធ្វើឲ្យស្គមមែនអី ? បើមែនសុខចិត្តញ៉ាំសម្លរាល់ថ្ងៃតែហ្មងហើយខ្ញុំ ។
Posted by លី កល្យាណ on September 29, 2012 at 9:55 am
តាមសង្កេតរបស់ខ្ញុំទេ
Posted by Somada on September 29, 2012 at 12:27 pm
ត្រូវប៉ុន្មានភាគរយដែរ ?
Posted by លី កល្យាណ on September 29, 2012 at 3:29 pm
ដូចជាច្រើនដែរ ពួកម៉ាកខ្ញុំមួយ បើទៅបាយជាមួយវា មិនបាច់ហៅសម្លទេព្រោះវា ដណ្តើមហៅសម្លម្ជូរមុនបាត់ហើយ ឯរាងវិញតួកុនសុំខ្មាស កំពស់១,៦៥ ទំងន់៥១គីឡូក្រាម
Posted by Somada on September 29, 2012 at 3:34 pm
ចុះបើស្ងោរជ្រក់ម៉េចដែរ ជូរដូចគ្នា!
Posted by លី កល្យាណ on September 29, 2012 at 3:36 pm
ស្ងោរជ្រក់ង៉ៃមុន យ៉ាប់ណាស់ មិនសូវជូរ ហើយក៏មិនបាត់ក្លិនឆ្អាបដែរ
Posted by Somada on September 29, 2012 at 3:46 pm
ស្ងោរជ្រក់នៅឯណាយ៉ាប់ ?
Posted by លី កល្យាណ on September 29, 2012 at 5:00 pm
ស្ងោរជ្រក់ឯបាត់ដំបង ហាងដែលខ្ញុំចូលចិត្ត។
ឆ្លើយខុស លើកមុន (ស្ងោរជ្រក់ក៏ម្ជូរដូចតែគ្នាដែរ )
Posted by Somada on September 29, 2012 at 5:13 pm
ហាងដែលមានស្រីស្រស់ច្រើននោះមែនទេ ?
Posted by លី កល្យាណ on September 29, 2012 at 5:14 pm
អ៊ីស ស្មានត្រូវទៀតបង!
Posted by Somada on September 29, 2012 at 6:45 pm
តាមដានបានដឹងហ្នឹងណា
Posted by លី កល្យាណ on September 29, 2012 at 6:48 pm
ខ្ញុំចាំបានច្បាស់ណាស់ព្រោះពេលនោះជាពេលដែលខ្ញុំបានសិក្សាបន្ថែមថា មនុស្សខ្លះគិតបានវែងឆ្ងាយណាស់ ជាពិសេសក្នុងការធ្វើជាគម្រូល្អដល់មនុស្សជុំវិញ។ ខ្ញុំបានដាក់ក្នុងប្រកាសរបស់ខ្ញុំដែរតើ ៖ ជីវិតក្នុងរបត់ថ្មី។
Posted by somada on September 30, 2012 at 8:42 pm
យករឿងគេសរសេរបាយ័ត្នគេប្តឹងឲ្យសងថ្លៃកម្មសិទ្ធបញ្ញាណ៎ាម្ចាស់អូន ។
Posted by លី កល្យាណ on October 1, 2012 at 7:55 am
ខ្លាចដែរព្រោះធ្លាប់ត្រូវម្ចាស់ខ្លួននិយាយបង្ការពីមុនមកហើយ។ ណាមួយធ្លាប់ត្រូវគេព្រមានម្តងដែរ តែពីពេលនេះទៅ ទាល់តែមានការអនុញ្ញាតទើបចុះផ្សាយ។
Posted by Somada on October 1, 2012 at 8:11 am
មែនអីម្ចាស់អូន! និយាយលេងទេដឹង ?
Posted by លី កល្យាណ on October 1, 2012 at 8:19 am
មែនណា៎ម្ចាស់បង!
Posted by Somada on October 1, 2012 at 9:23 am
សង្ស័យតែមានរឿងរ៉ាវផ្ទៃក្នុងបង្កប់នៅក្នុងនោះទេដឹង ? បើមិនអញ្ចឹងក៏ម្ចាស់អូនជាអ្នកធ្វើបាបចិត្តគេហើយមើលទៅនោះ ទើបគេខឹងចង់ប្តឹងហ្នឹងណា។
Posted by លី កល្យាណ on October 1, 2012 at 9:56 am
រឿងរ៉ាវនោះវាជារឿងពិត ហើយខ្ញុំគ្មានចិត្តចង់ធ្វើបាបចិត្តពី ណាទេ គ្រាន់តែចង់ចែករំលែក ដើម្បីឱ្យគ្នាយើងដឹងពីផ្លូវណាល្អ ឬអាក្រក់ ដែលគួរចៀសវាងប៉ុណ្ណោះ ។
បកស្រាយបានប៉ុណ្ណឹង អេមទេម្ចាស់បង?
Posted by Somada on October 1, 2012 at 10:22 am
យើងចង់ចែករំលែក តែគេអត់ចង់ចែករំលែកជាមួយយើង ដូចគេដេញតាមយើង យើងរត់ពួនគេអញ្ចឹងដែរមែនទេ ?
Posted by លី កល្យាណ on October 1, 2012 at 2:09 pm
ដូចអត់ដូចគ្នាម៉េចមិនដឹងទេបង។ អត់ហ៊ានថារ៉េ ខ្លាចជាន់កែងខ្លួនឯងដួល ងើបមិនរួច។
Posted by លី កល្យាណ on September 7, 2012 at 10:49 am
នេះមកពីពួកខ្ញុំត្រូវម៉ូគ្នាតាំងពីប្រកាសជីរលីងល័ក្តឯណោះ ។
Posted by ភរិយានិងម្ដាយម្នាក់ on September 8, 2012 at 4:22 pm
អត់មានជូនដំណឹងអោយដឹងថាមានគេតបសោះ ទាល់តែចូលអើតមើលបានដឹងថាគេនិយាយដើម ហាហាហា
Posted by somada on September 14, 2012 at 10:19 am
បើនិយាយដើមគេ ហើយឲ្យម្ចាស់គេឮនោះ គេមិនហៅនិយាយដើមទេ ។