សៀវភៅអាស៊ាន គឺជាសៀវភៅដែលខ្ញុំបានជួបនៅក្នុងហាងលក់សៀវភៅគ្រប់ហាងទាំងអស់ នៅក្នុងប្រទេសថៃ ព្រោះបញ្ហាអាស៊ានជាបញ្ហាក្តៅគគុកមួយនៅក្នុងប្រព័ន្ធអប់រំរបស់គេ ។នៅ ក្នុងសៀវភៅនោះគេនិយាយពីរៀបរាប់ពីលក្ខណៈភូមិសាស្រ្ត របបនយោបាយ ព្រមទាំងទំនៀមទម្លាប់ប្រពៃណីរបស់ ប្រទេសដែលជាសមាជិកទាំងដប់ ។ ថ្ងៃមុនបានលើកយកបង្ហញម្តងរួចហើយ ពីសម្លៀកបំពាក់ដែលថៃ ឲ្យនិស្សិត ឬ សិស្សស្លៀកពាក់តំណាងឲ្យប្រទេសខ្មែរ យើងនោះ ដូច្នេះថ្ងៃនេះសូមបង្ហាញពីកំហុសឆ្គងមួយទៀតក្នុងការផ្សព្វផ្សាយពីទំនៀមទម្លាប់ប្រពៃណីក្នុងការរស់នៅ គឺត្រង់ចំណុចនៃម្ហូបអាហាររបស់ខ្មែរ ។ ក្នុងសៀវភៅនោះគេបានសរសេរថា មុខម្ហូបប្រចាំប្រទេសខ្មែរយើងគឺ “អាម៉ុក” តើអ្វីដែលគេ លើកឡើងនេះត្រឹមត្រូវដែរ ឬទេ ? ត្រង់ចំណុចនេះសូមអ្នកភូមិយើងមេត្តាផ្តល់ជាយោបល់ផង ។
តើអាម៉ុកជាអ្វីទៅ ? បើមានគេមកសួរខ្ញុំពីរឿងនេះ ខ្ញុំពិតជាគ្មានចម្លើយឲ្យគេនោះទេ ព្រោះតាំងពីតូច ដល់ធំប៉ុណ្ណេះខ្ញុំសូមប្រាប់ថា ខ្ញុំធ្លាប់ញ៉ាំតែពីរដងគត់ ។ បើដូច្នេះតើអាម៉ុកអាចជាម្ហូបដែលតំណាងឲ្យ ប្រទេសខ្មែរបានដែរឬទេ ? ក្នុងខណៈដែលខ្ញុំជាកូនខ្មែរម្នាក់ដែរនេះ កម្រនឹងធ្វើញ៉ាំដូច្នេះ ឬ មួយខ្ញុំជា មនុស្សខុសគេ ហើយបងប្អូនខ្មែរដទៃទៀតជាងដប់បួនលាននាក់គាត់តែងតែធ្វើម្ហូបមួយមុខ នេះ ទទួល ទានជាប្រចាំដែរ ?
សម្រាប់រូបខ្ញុំផ្ទាល់ ខ្ញុំគិតថា មុខម្ហូបដែលជាម្ហូបតំណាងឲ្យប្រទេសខ្មែរយើងបានគឺមាន សម្លកកូរ សម្ល ម្ជូរ និង សម្លប្រហើរ ។ ក្នុងមុខម្ហូបទាំងបីនេះ កម្រមានគ្រួសារណាមួយក្នុងប្រទេសខ្មែរយើង គាត់ បដិសេធថា “អាទិត្យនេះគាត់មិនទាន់បានទទួលទានមុខម្ហូបណាមួយក្នុងចំណោមមុខម្ហូបទាំង បី នេះ ណាស់” ។ហើយមុខម្ហូបដែលទទួលទានញឹកញាប់ជាងគេបំផុតនោះគឺសម្លម្ជូរ ។ ហេតុអ្វីបានជាខ្ញុំ ហ៊ាន អះអាងថា មុខម្ហូបទាំងបីខាងលើជាម្ហូបតំណាងឲ្យប្រទេសខ្មែរ ព្រោះវាមានលក្ខៈពិសេសរបស់វាគឺ ប្រហុក កាលណាបើស្លមិនដាក់ប្រហុកទេ ម្ហូបនោះក៏មិនមានរសជាតិជាខ្មែរដែរ ។ ព្រោះធ្លាប់ឃើញពួក ចិននៅស្រុកខ្មែរស្ល គេមិនដាក់ប្រហុកទេ តែគេដាក់ទឹកត្រីជំនួសវិញដូច្នេះរសជាតិទាំងពីរនេះក៏ខុស គ្នា ស្រឡះតែចូលមាត់ពេញពោះដេកលលក់ដូចគ្នា ។ ចំណែកសម្លកកូរវិញត្រូវមានគ្រឿងផ្សំមួយមុខបន្ថែមទៀតគឹអង្ករលីង ។ ទាំងសម្លម្ជូរ និង សម្លកកូរនៅស្រុកថៃនេះខ្ញុំមិនដែលប្រទះភ្នែក ឬ មាន ឱកាសបានភ្លក្សរសជាតិវាទេ ព្រោះនៅទីនេះគ្មានលក់ ហើយបើចង់ធ្វើញ៉ាំ វាខ្វះនេះខ្វះនោះ មិនមានគ្រប់គ្រឿង ដូច្នេះក៏ខិ្ជលតែម្តងទៅ ចំណែកសម្លប្រហើរមានស្រដៀង ៗ គ្នាខ្លះ ។
ជាចុងក្រោយនេះ ខ្ញុំតំណាងឲ្យកូនខ្មែរទាំងអស់សូមឲ្យអ្នកភូមិយើងមេត្តាជួយពិចារណាផងថាតើគួរ លើកយកម្ហូបមួយណាដែរជាម្ហូបតំណាងឲ្យប្រទេសកម្ពុជាយើងបាន ?
Posted by ភរិយានិងម្ដាយម្នាក់ on August 24, 2012 at 9:40 pm
សម្លម្ជូរត្រកួនស្រែកូនត្រីមានលាយកំពឹស បង់ម្រះពៅ បង់ម្អមលាយជីរនាងវង ឆ្ងាញ់មាំណាស់(បែបអ្នកកំពត) ឆ្ងាញ់«ស៊ុយម៉ាយ» (បែបអ្នកអំពេញ ហេហេហេ អ្នកអំពេញនិយាយអីក៏អាក្រក់ស្ដាប់ដែរ)។ កាលខ្ញុំទៅឆ្ងាយស្រុកខ្មែរជិត១អាទិត្យសោះ អ្វីដែលខ្ញុំនឹកពេលមកដល់ផ្ទះមុនគេគឺម្ជូរនេះឯង!
Posted by ភរិយានិងម្ដាយម្នាក់ on August 24, 2012 at 9:43 pm
«ភ្លេច» បង់ប្រហុកអោយចាស់ដៃ ហើយម្ជូរត្រូវអោយជូរជ្រះបន្តិច បានគេហៅថា«ឆ្ងាញ់ស៊ុយម៉ាយ» 😀 😀 :D បងហា៎ បើពាក្យមិនពីរោះស្ដាប់ទេ លប់ចេញក៏បានដែរ។
Posted by somada on August 25, 2012 at 8:13 am
ជីវី បងដូចជាឆ្ងល់រឿងមួយណាហេតុអ្វីបានជាអ្នកកំពតបង់ម្រះព្រៅ ហើយមានបង់ជីនាងវងទៀត ? (សង្ស័យតែបងប្រុសនៅខេត្តកំពតហ្មងមែនទេជីវី ?)
នៅទីនេះ (ស្រុកថៃ) សម្លគេភាគច្រើនគេបង់ជីនាងវង បើនៅផ្ទះយើងវិញជីនាងវងយើងបង់តែក្នុងសម្លម្ជូរយួនប៉ុណ្ណោះដែលមានលាយម្អម លាយជីនាងវង និងជីរណាផងដែរ ។ តែចំពោះសម្លម្ជូរដែលមិនមានម្អមបង់យើងអាចយកម្រះព្រៅមកបង់ជំនួសបាន។ ហើយបងក៏សូមអរគុណដែលចូលរួមបញ្ចេញមួយមាត់មួយកម្នាក់ គ្រាន់នឹងបានយកទៅតវ៉ា ។
Posted by ភរិយានិងម្ដាយម្នាក់ on August 25, 2012 at 1:48 pm
អ្នកកំពតមិនដឹងបង់អីទេ តែខ្ញុំចង់ថាបង់ម្រះព្រៅក៏បាន ម្អមក៏បាន ជីនាងវង(បើអត់អា២មុខមុន) ស្ទីលខ្ញុំអ្នកអំពេញសុទ្ធ។ ដែលថា«ឆ្ងាញ់មាំណាស់» ខ្ញុំចង់ថាអ្នកកំពតនិយាយបែបនេះកាលណារបស់នោះឆ្ងាញ់មែន។ ជីដូនខាងម៉ាក់ខ្ញុំទេជាអ្នកកំពតណាបង។
Posted by somada on August 25, 2012 at 4:00 pm
ទោះជាបងប្រុសមិនមែនអ្នកកំពត តែយ៉ាងណាក៏ជីវីជាប់ខ្សែអ្នកកំពតដែរឃើញទេ ទើបដឹងស្ទីលនិយាយរបស់អ្នកកំពត ។ និយាយពីសម្លម្ជូរវិញ ម្ជូរខ្លះក៏រើសដែរជីវី គាត់ត្រូវជាមួយម្អម តែយើងរកមិនបាន ក៏បង់ម្រះព្រៅដូច្នេះរសជាតិក៏ចុះខ្សោយជាងមុនបន្តិចដែរ ។ ចេះតែថាទៅមិនដឹងត្រូវអត់ទេខ្ញុំ យ៉ាងណាយ៉ាងណីជួយប្រាប់ផងជីវី។
Posted by ភរិយានិងម្ដាយម្នាក់ on August 25, 2012 at 11:43 pm
ម្ជូរត្រកួនត្រួយអំពិល នេះបង់អីក៏បានដែរ តែម្ជូរដើមចេក ទាល់តែម្រះព្រៅ ម្ជូរព្រលឹត ប្រើម្អមស្រែង៉ោង ឯម្ជូរឃ្លោកឬត្រឡាច បើបានម្អមក្រៀមក៏ពីសេសម្យ៉ាងដែរ មែនទេបង?
Posted by somada on August 26, 2012 at 7:09 am
មែនហើយ តែមិនដឹងថាអ្នកផ្សេងគេដូចយើងឬអត់ទេ ? ចំពោះសម្លម្ជូរត្រឡាចវិញត្រូវតែចិតបន្លែតាមរបៀបសម្លម្ជូរតែចិតខុសទំនងជាសម្លប្រហើរហើយយកមកស្លម្ជូរ នឹងធ្វើឲ្យអ្នកញ៉ាំកាត់ពិន្ទុយើងអស់ជាមិនខានទេ ហើយរសជាតិក៏មិនឆ្ងាញ់ដែរ (នេះគ្រាន់តែជាទស្សនៈផ្ទាល់ខ្លួនប៉ុណ្ណោះ) ។
Posted by ភរិយានិងម្ដាយម្នាក់ on August 26, 2012 at 6:50 pm
ថឹមថូវ បើចិត្តដូចប្រហើរ ចប់ប៉ារយ ហូបអត់ឆ្ងាញ់ទេ ទោះផ្សំគ្រឿងត្រូវក៏ដោយ (វេទិកាចុងភៅប្រចាំផ្ទះហើយយើង២នាក់)
Posted by somada on August 26, 2012 at 9:36 pm
វេទិកាតុមូលមានម៉ាកអាបីនាក់ និង ម៉ាក់អាពីរនាក់ដៃគូគ្នារកគ្នាឃើញណាស់សុទ្ធតែស្រី ៗ ។
Posted by ភរិយានិងម្ដាយម្នាក់ on August 27, 2012 at 3:16 pm
ទើបមើលឃើញ ថាខ្ញុំសរសេរ«ចិត» ខុសហើយ។ ចំណូលចិត្តម្ហូបបង មើលទៅប្រហែលៗគ្នានឹងខ្ញុំដែរ ចឹងបាននិយាយរឿងហូប ត្រូវគ្នាម្ល៉េះ។
Posted by somada on August 27, 2012 at 4:45 pm
ចាំថ្ងៃណាទំនេរឲ្យជីវី និង កល្យាណធ្វើម្ហូបឲ្យញ៉ាំម្តង បងជាអ្នកភ្លក្សព្រោះបងពូកែខាងភ្លក្ស ។
Posted by លី កល្យាណ on August 27, 2012 at 6:11 pm
អូនទទួលខុសត្រូវខាងស្ងោរពងទា!!!
Posted by somada on August 27, 2012 at 8:40 pm
កុំឲ្យតែឆៅទៅបានហើយ ស្ងោរកុំឲ្យឆ្អិនពេកណ៎ា យកជ័រភ្នៅ ជ្រលក់អំបិលម្រេច ។
Posted by Lovepeehs05 on August 24, 2012 at 10:13 pm
សូម៉ាដា ដាក់មុខម្ហូបបន្ថែមទៀត ដូចជាស្ងោរត្រីរ៉ស់ ឆាកង្កែប ឬ ឆាអន្ទុង ជាមួយខ្ញី ខួរគ្រឿង, ម្រះ ?, និង ខរជាដើម។ល។ អត់សូវដឹងទេ ដឹងតែញាំ ហើយគាំទ្រសម្លរបង់ម្អម ដូចភរិយា និយាយ ខាងលើ។៚…
Posted by somada on August 25, 2012 at 8:19 am
ច៎ាស អរគុណណាស់លោកពូដែលបានមកចូលរួមបញ្ចេញយោបល់ និង បន្ថែមមុខម្ហូបមួយចំនួនទៀតនេះ នេះសង្ស័យតែធុំក្លិនស្អុយប្រហុកដល់ផ្ទះលោកពូហើយមែនទេ បានជាមកដល់លឿនដូច្នេះ នេះប្រហែលជីវីដាក់ប្រហុកម៉ាចាស់ដៃហើយមើលទៅបានជាផ្អើលអ្នកភូមិអស់អញ្ចឹង ។ សុខសប្បាយទេលោកពូ?
Posted by wealsrae on August 25, 2012 at 12:02 am
ខ្ញុំថាទឹកគ្រឿងផងដែរ ។ តែបើឲ្យរើសទាំងបីខាងលើ គឺ សម្លម្ជូរ ។
Posted by somada on August 25, 2012 at 8:21 am
ទឹកគ្រឿង! ជាម្ហូបដែលខ្ញុំចូលចិត្ត អរគុណលោកវាលស្រែ ។ សម្លម្ជូរ ពិតជាពេញនិយមមែនហើយសម្រាប់ខ្មែរគ្រប់រូប ព្រោះពេលដែលត្រឡប់ទៅផ្ទះ សម្លម្ជូរគឺជាម្ហូបថ្ងៃទីមួយដែលត្រូវញ៉ាំនាពេលថ្ងៃត្រង់ផងដែរ ។
Posted by wealsrae on August 29, 2012 at 1:57 pm
ิបើឲ្យជ្រើសយកតែមួយ ខ្ញុំសូមរៀបលំដាប់ឲ្យចុះ
១ សម្លកកូរ ២ សម្លម្ជូរ ៣ ទឹកគ្រឿង
Posted by somada on August 29, 2012 at 2:11 pm
អរគុណលោកវាលស្រែ ដែលឆ្លៀតមកបន្ថែមទៀត។
Posted by លី កល្យាណ on August 26, 2012 at 4:50 pm
ខ្ញុំចាំបានត្រឹមថា ម៉ែធ្លាប់និយាយប្រាប់ ម្ហូបដែលមានមុខនៅក្នុងពិធីធំៗគឺហ្មុក (ពាក្យត្រឹមត្រូវគឺហហ្មុក)។ ម្ហូបដែលខ្មែរនិយមគឺកកូរ។
អត់ដឹងថាយ៉ាងម៉េចទេ បើសួរថាម្ហូបប្រចាំជាតិខ្មែរមួយណា ប្រហែលជាអ្នកអភិជន សំដៅលើហ្មុកហើយ បើមនុស្សទូទៅសំដៅលើសម្លកកូរ។
និយាយតាមត្រង់ខ្ញុំចូលចិត្តសម្លកកូរ ព្រោះវាមិនមានក្បាច់ក្បូរច្រើនពេកដូចហ្មុក។ ហ្មុកសង្កត់ធ្ងន់លើសាច់ត្រី រសជាតិ និងក្បាច់កេវកន្ទោង ហ្មុកត្រូវខ្នួចនឹងស្លឹកញខ្ចី។
Posted by somada on August 26, 2012 at 5:25 pm
នេះដូចកល្យាណនិយាយមិនខុសនោះទេ ហហ្មុកគឺជាម្ហូបអភិជន ដូច្នេះអ្នកក្រតូចតាចមិនជាមិនវាសនាបានភ្លក្សទេ ក្នុងនោះមានគ្រួសារបងមួយដែរ មិនបាច់សួរដល់របៀបធ្វើ ឬ គ្រឿងផ្សំនោះទេ សូម្បីតែក្លិនក៏មិនធ្លាប់បានហិតដែរ ។ កាលដែលបងលើកមកនិយាយនេះ គឺចង់បានម្ហូបដែលប្រជាជនខ្មែរទូទៅបានស្គាល់ និងបានទទួលទានពេញ ៗ មាត់ទាំងអ្នកក្រទាំងអ្នកមាន ។ បើចំពោះអ្នកនៅស្រែវិញ កណ្តៀតតែអង្រុត ឬ មង ត្រឡប់វិញពិតជាបានសម្លមួយមុខមិនខាន ព្រោះនៅវាលស្រែមានម្អម ស្រះក្បែរផ្ទះមានត្រកួន និង មានដើមអំពិល ឬ ក្រសាំងនៅមុខផ្ទះស្រាប់ ។ នេះជាជីវភាពរស់នៅរបស់ខ្មែរពិត ៗ ។
Posted by លី កល្យាណ on August 27, 2012 at 4:07 pm
ក្រមានអីទេបង គ្រាន់តែថាអ្នកណាគេមានពិធីធំដុំគេគិតដល់ហ្មុក។ ខ្ញុំក្ររកតែអង្ករហូបបាយបីពេលមិនបានផង តែខ្ញុំនៅតែសុំម៉ែធ្វើហ្មុកឱ្យញ៉ាំ ព្រោះខ្ញុំឃើញគេធ្វើក្នុងសៀវភៅណែនាំធ្វើម្ហូប ។ គ្រាន់តែមិនចូលចិត្តអ្នកដទៃ ធ្វើព្រោះហ្មុកខ្ញុំមិនដាក់សណ្តែកដី មិនដាក់ខ្ទិះ មិនផ្អែមដូចរបស់ថៃឡើយ។ ខ្ញុំខានហូបជិតម្ភៃឆ្នាំហើយតាំងពីម៉ែខូចទៅ។ ម៉ែប្រាប់ថាអ្នកដែលធ្វើហ្មុកឆ្ងាញ់ ប្រាកដណាស់គឺជាមនុស្សដែលប្រិតប្រៀង និងមានរបៀប ជាមនុស្សយកចិត្ត ទុកដាក់នឹងការងារ មិនមែនលេងធេងទេ។
ត្រង់ថាម្ហូបធម្មតាប្រចាំថ្ងៃ មុខជាម្ជូរ ប្រហើរ ៗ ហ្នឹងហើយបង គ្មានបានទៅ ហូបអាឆ្ងាញ់រាល់ថ្ងៃទេព្រោះទ្រលាន់ នឹងអត់ប្រាក់ពេក។
តែខ្ញុំចូលចិត្តម្ជូរណាស់ជាពិសេសម្ជូរស្រែ ព្រោះមិនមានគ្រឿង។
Posted by somada on August 27, 2012 at 4:40 pm
មិនមែនចង់ថាកល្យាណជាអ្នកមានទេ គឺចង់និយាយថាហហ្មុកហ្នឹងជាម្ហូបជាន់ខ្ពស់ ឬ នៅជាន់លើ ដូច្នេះអ្នកដែលជាជនសាមញ្ញមិនស្គាល់ទេ ។ ហើយបើតាមដឹងអ៊ំស្រី(ម៉ាក់ចិញ្ចឹមរបស់កល្យាណ)គាត់ធ្វើការនៅក្នុងវាំងមែនទេ ?
ដូចបងនិយាយខាងលើអញ្ចឹងជនសាមញ្ញាសូម្បីតែក្លិនក៏មិនបានស្គាល់ផង ព្រោះអាចមកពីមិនដែលបានញ៉ាំ ឬ ធ្លាប់ញ៉ាំហើយ តែមិនដឹងពីគ្រឿងផ្សំ ថាមានអ្វីខ្លះ ដូច្នេះក៏រសាយ ៗ ទៅរហូតដល់កូ្ដល់ចៅមិនដឹងពីរបៀបធ្វើក៏អត់ញ៉ាំតែម្តងទៅ ។
Posted by លី កល្យាណ on August 26, 2012 at 4:53 pm
សម្លទាំងបីមុខនេះ បើឱ្យខ្ញុំសម្រេចចិត្តមិនដឹងឱ្យពិន្ទុមួយណាទេព្រោះខ្ញុំចូលចិត្តទាំងបី ហើយតាមលេខរៀងដែលបងដាក់ទៀត។ តែប្រហើរទំពាំងដាក់លីងល័ក្សឱ្យឈ្ងុយបន្តិច។
Posted by somada on August 26, 2012 at 5:28 pm
រូបខាងលើនោះអត់មានសម្លប្រហើរទំពាំងទេកល្យាណ ។ តែថាសម្លទំពាំងដាក់ល័ក្សលីងម៉េចទៅ បងអត់ដែលធ្លាប់បានញ៉ាំទេ ជួយប្រាប់ផងម្ចាស់អូន។
Posted by លី កល្យាណ on August 27, 2012 at 4:17 pm
បងអត់ដែលប្រហើរទំពាំងដាក់ជីរលីងល័ក្សទេឬ? ផ្ទះខ្ញុំចូលចិត្តលេខមួយ។ លីងល័ក្សហ្នឹងអ្នកអំពេញហៅជីរស គឺគេយកគ្រាប់ជីរទៅបាចលើដី ពេលដុះធំស្រដៀងម្រះព្រៅ។ ក្លិនឈ្ងុយ បើដាក់ក្នុងសំឡក់ទៀតរឹតតែឆ្ងាញ់។
និយាយពីរឿងហូបខ្ញុំមានមតិច្រើនដល់ហើយនេះ។
Posted by somada on August 27, 2012 at 4:41 pm
ជីនាងវងទេដឹងកល្យាណ ?
Posted by លី កល្យាណ on August 27, 2012 at 6:14 pm
ណូ ទេបង!!! ដាក់នាងវងចប់ប៉ារយហើយ ។ ញ៉ាំប្រហើរ ឬសម្លក់អាចលេបមិនចូល ព្រោះក្លិននាងវងបានតែដាក់ក្តាមប្រៃខ្ញុំទេ។
ចាំពេលមកស្រុកវិញខ្ញុំដាំដាក់កំប៉ុងទុកឱ្យបងស្ល។ ចាំមើល៍
Posted by somada on August 27, 2012 at 8:04 pm
ខំទៅសួរលោកគ្រូហ្គូហ្គលរកជីលីងល័ក្សដែរ តែគាត់អត់ស្គាល់ ។សម្លម្ជូរគេមិនដែលដាក់ជីនាងវងទេ លើកលែងតែម្ជូរវៀតណាម ។ តែឥឡូវដូចជាឃ្លានក្តាមប្រៃដាក់ជីនាងវង ច្របាច់ក្រូចឆ្មារ និង ម្ទេសហិរតិច ៗ បាយកកពេលថ្ងៃរសៀល អូយបើបានក្តាមតែមួយមកក៏អស់ទាស់ដែរពេលនេះ ។
Posted by ភរិយានិងម្ដាយម្នាក់ on August 27, 2012 at 10:38 pm
ណក៎ ឃ្លានក្ដាមប្រៃអីណាទៀតហើយ មានដែរបងនៅនោះ?
Posted by លី កល្យាណ on August 27, 2012 at 11:22 pm
ក្នុងវចនានុក្រមមាន ខ្ញុំឥតបានមើលសរសេរខុសឱ្យបង្រុះ៖
ឈ្មោះបក្សីមួយប្រភេទក្នុងពួករនាល, សម្បុរចម្រុះក្រហមព័ណ៌ល័ក្ត : រនាលលីងល័ក្ត ។ ឈ្មោះជីរមួយប្រភេទ សម្បុរដេមនិងស្លឹកស្រដៀងនឹងព័ណ៌ល័ក្ត : ជីរលីងល័ក្ត ។លីងល័ខ
Posted by somada on August 28, 2012 at 6:41 am
អត់ដែលប្រទះភ្នែកទេជីវី
Posted by somada on August 28, 2012 at 6:42 am
កល្យាណជួយដាក់រូបមកឲ្យមើលផងបានទេ ?
Posted by លី កល្យាណ on August 28, 2012 at 7:35 am
ស្អែកអូនរកគ្រាប់ជីរមកដាក់ដាំ។ ពេលចេញស្លឹកចាំថតរូបដាក់ជូនមើលកំសាន្តន្តន្ត!!!
Posted by somada on August 28, 2012 at 9:43 am
យូរណាស់មើលទៅ ?
Posted by លី កល្យាណ on August 28, 2012 at 3:57 pm
ង៉ាស់ង៉ាស់ង៉ាស់ ទើបតែដឹងឬបង?
ខ្ញុំឆ្ងល់ដល់ហើយ ខំមិនតាំងពីព្រឹកម៉េចក៏មិនឃើញចឹង?
Posted by somada on August 28, 2012 at 6:43 pm
ចុះនៅផ្ទះឯកំពង់ធំមានអត់ ? ចង់ឃើញឆាប់ ៗ នេះទ្រាំយូរអត់បានទេ ?
Posted by លី កល្យាណ on August 29, 2012 at 11:27 am
ផ្ទះនៅកំពង់ធំអត់មានទេព្រោះអ្នកស្រោចទឹកដំណាំមកនៅតែភ្នំអំពេញ។ ចាំមើលទៅរកផ្ទះបងប្អូនខ្ញុំ។
Posted by somada on August 29, 2012 at 2:10 pm
ប្រយ័ត្នរកឃើញហើយតែអត់យកម៉ាស៊ីនថតទៅណា ?
Posted by លី កល្យាណ on August 30, 2012 at 8:15 am
យ៉ាអាលូវអូនមានកាមេរាទូរាសាប់ណាបង! មិនច្បាស់យ៉ាងណាក៏គ្រាន់ប្រើដែរ។
ចាំមើលទៅផ្ទះអាទិត្យនេះ អាទិត្យក្រោយនឹងផ្សាយជូនទស្សនាមិនខាន…
Posted by somada on August 30, 2012 at 9:02 am
អូភ្លេចថាគេទើបតែទិញទូអាសាប់ថ្មី បងក៏ចូលចិត្តប្រើកាមារ៉ាទូរស័ព្ទដែរ ផស់បងនេះ អាចប្រើការបាន ហើយបងក៏ចូលចិត្តព័ណ៌វាដែរ (ព្រោះខ្ជិលកាន់កាមារ៉ា) ។
Posted by Heng-dee on August 26, 2012 at 5:24 pm
អាម៉ុកម្ហូបពេញនិយមអីបង ញ៉ុមអត់ដែលបានអីម្តងផង (សម្លរកកូរលេខ១)
Posted by somada on August 26, 2012 at 5:30 pm
អញ្ចឹងហើយបានជាបងចង់បានមតិរបស់អ្នកភូមិយើងនឹងណា ដូចកល្យាណបានលើកឡើងអញ្ចឹង ហហ្មុកជាម្ហូបអភិជនដូច្នេះរាស្រ្តដូចជាយើង មិនស្គាល់វាគ្មានអីចម្លែកនោះទេ ។ បងក៏ទើបតែស្គាល់ និង បានភ្លក្សពេលមកទីនេះដែរទេ ។
Posted by Heng-dee on August 26, 2012 at 7:34 pm
ត្រូវៗ ណាស់បង អត់ដែលផងម៉េចគេថាពេញនិយម ប្រហុកថាខ្លះបង ។
Posted by somada on August 26, 2012 at 9:35 pm
មិនមែនគេថាពេញនិយមទេឌី តែហហ្មុកនោះគេបានសរសេរចារឹកទុកក្នុងសៀវភៅ ស្តីអាស៊ានដែលគេបោះពុម្ពលក់ទូទាំងប្រទេសថៃថា ហហ្មុកជាម្ហូបប្រចាំប្រទេសកម្ពុជា ។
Posted by លី កល្យាណ on August 27, 2012 at 4:20 pm
អត់ដឹងយ៉ាងម៉េចទេ បងនិងឌី សួរតាម៉ាប់ក្រែងដឹងព្រោះគាត់កំពុងស្រាវជ្រាវ សម្បើមណាស់ មិនដឹងថានរណាអ្នកកំណត់ថាហហ្មុកជាម្ហូបប្រចាំជាតិខ្មែរ។ ខ្ញុំធ្លាប់ដឹងថាជាតិសៀមនោះយកម្ហូបនេះទៅធ្វើ តែរសជាតិមិនដូចខ្មែរទេ។ ចាំង៉ៃណាបានទៅបាងកក ទៅភ្លក្សសម្លអ្នកវាំងសៀមម្តងមើល៍។
Posted by លី កល្យាណ on August 27, 2012 at 4:21 pm
បងសុធា បានភ្លក្សហ្មុកហើយចូលចិត្តអត់បង? រសជាតិយ៉ាងណាដែរនៅឯណោះ?
Posted by somada on August 27, 2012 at 4:43 pm
បងអត់ចូលចិត្តទេ រសជាតិអាចចាត់ទុកថាឆ្ងាញ់អាចទទួលយកបាន គ្រាន់តែថាបងមិនចូលចិត្តតែប៉ុណ្ណោះឯង ។
Posted by Heng-dee on August 27, 2012 at 4:50 pm
បងកល្យាណពេលណាបានទៅចាំហៅញ៉ុមផង ចង់ទៅដែរ
Posted by somada on August 27, 2012 at 5:11 pm
មកថ្ងៃណាប្រាប់មុនផង នឹងអាលបានទៅភ្លក្សទាំងអស់គ្នា ។
Posted by Heng-dee on August 27, 2012 at 8:05 pm
ចប់បាត់ហើយបង
Posted by somada on August 27, 2012 at 8:37 pm
ម៉េចបានចប់អញ្ចឹង នៅមានតទៀត
Posted by លី កល្យាណ on August 27, 2012 at 6:15 pm
ដឹងកាលទេឌីអើយ ស្រុកជិតៗហ្នឹងដូចជាមិនត្រូវធាតុនឹងខ្ញុំសោះតែម្តង។ ប្រហែលមកពីសម្អប់នាំចិត្តឱ្យបិទមិនចង់ទៅ។
Posted by somada on August 27, 2012 at 8:05 pm
គេថាស្អប់ជំពប់លើ !
Posted by លី កល្យាណ on August 28, 2012 at 4:35 pm
ជំពប់មួយរួចស្រេចហើយ ស្រឡាញ់យួន។ តិចទៀតទៅជំពប់នឹងសៀមមួយទៀត ឱ្យគ្រប់សព្វតែម្តង។
Posted by somada on August 28, 2012 at 6:44 pm
យួនខ្មែរចិនសៀមអីក៏ដោយឲ្យតែមនុស្សល្អ កុំឲ្យប៉ះចំមនុស្សអាក្រក់ទៅបានហើយ ។
Posted by លី កល្យាណ on August 30, 2012 at 8:17 am
ល្អត្រូវចិត្ត ៨០ ភាគរយ តែទាស់គេមិនត្រូវគ្នានឹងខ្ញុំ កុំអីបងបានស៊ីការញ៉ុមឆ្នាំហ្នឹងបាត់ ង៉ាស់ៗៗៗ
Posted by somada on August 30, 2012 at 9:04 am
ខាងណាជាអ្នកមិនត្រូវខាងគេ ឬ ខាងយើង តែបងសង្ស័យតែខាងយើងច្រើនជាង ។
Posted by លី កល្យាណ on August 30, 2012 at 9:32 am
ខាងគេទេបង ។ សាម៉ីខ្លួនគេតាមតែម៉ែ តែបងប្អូនគេ ណាមួយសាសនាក៏ខុសគ្នាទៀត គេគោរពសាសនាកាតូលិក ខ្ញុំអត់គោរពអីទេ តែគ្រួសារខ្ញុំគោរព សាសនាព្រះពុទ្ធ។ បែបមិនមែនគូទេបង គ្រាន់តែថាទាំងគេទាំងខ្ញុំ បែកគ្នាជាង បីឆ្នាំហើយនៅតែមិនទាន់មានគូដូចគ្នា ខ្ញុំចង់ចាំគេទៀតព្រោះជាប់សន្យា។
បែរទៅអ្នកមិនត្រូវចិត្តឯណោះវិញតាមឱ្យស្វិតដូចសង្កើចចឹង កុំតែហាមថាម៉ែមិន ពេញចិត្តកុំអីតាមទៅដល់ផ្ទះរាល់អាទិត្យមិនខានទេ។
ខ្ញុំគួរឱ្យអាណិតណាស់មែនទេបង???
Posted by somada on August 30, 2012 at 10:31 am
អាណិតអ្នកតាមឯណោះវិញទេ ។
Posted by លី កល្យាណ on August 30, 2012 at 4:25 pm
អាណិតអ្នកគេចមិនអាណិត បងទៅអាណិតអ្នកតាម។ ហ៊ឺ!!!
Posted by somada on August 31, 2012 at 7:18 am
អាណិតធ្វើអីអ្នកគេចនោះ តែគេចង់គេចគេរកកន្កែងនេះ កន្លែងនោះពួនទាល់តែបាត់ហ្នឹង ឯអ្នករកវិញ ដឹងតែពីរកព្រោះមិនដឹងថាគេពួនឯណា ?
Posted by achharia on September 3, 2012 at 3:10 am
អាម៉ុករឺហ្មុកនេះ បើនៅខាងខែត្របាត្តំបងមិនចាំបាច់តែចំពោះអ្នកមានអ្នកក្រអីតេ
គេចំហុយដើរលក់ជាកន្ទោងៗរឺកញ្ចប់ៗមានលាយស្លឹកញ៍រផង ហើយក៏មិនជាថ្លៃអី
ជាងគុយទាវមួយចានទេ ។ បើប្រៀបទៅនឹងសម្លកកូរ ម្ជូរ ទឹកប្រហុកទឹកគ្រឿង….
ខ្ញុំគិតថា អាម៉ុកទុកដូចសំពត់ហូលផាមួង ចំណែកកកូររឺម្ជូរទុកដូចសារ៉ុងពុម្ព
ហើយបើគិតពីការដែលថា អ្វីដែលខ្មែរយើងបានហូបចុកនិងប្រើប្រាសគ្រប់គ្នា
និងអ្វីដែលត្រូវជ្រើសរើសយកទៅបង្អួតបង្ហាញដល់បរទេសយកជាតំណាងដល់
ជាតិនិងដើម្បីកិត្តិយសមុខមាត់ផងនោះ គឺគង់យល់ដូចឃើញស្រាប់មកហើយ
គេមិនគួរយកសារុងពុម្ពនិងសម្លម្ជូរស្រែបង់ម្អម ប្រហើរទំពាំងទៅបង្ហាញគេទេ ទោះខ្មែរយើងបានហូបចុកនិងស្លៀកវាជាទូទៅរៀងរាល់ថ្ងៃហើយក៏ដោយ …នេះបើតាមតែខ្ញុំយល់ឃើញថា ។
Posted by somada on September 3, 2012 at 1:27 pm
អរគុណណាស់លោកពូដែលជួយបញ្ចេញមតិ គំនិតលោកពូក៏ម្យ៉ាងដែរ ពូកែពន្យល់មែន អរគុណម្តងទៀតចា៎ស។