នៅទីនេះភ្លៀងធ្លាក់ស្ទើរតែរាល់ថ្ងៃ ជាពិសេសពេលយប់ និង ពេលព្រឹកព្រលឹមអាកាសធាតុត្រជាក់ ព្រមទាំងរលឹមស្រិច ៗបែបនេះបាន ធ្វើឲ្យជំងឺនឹកផ្ទះរើឡើងវិញ ជាពិសេស នឹកដល់ថ្ងៃភ្ជុំបិណ្ឌ ។ រដូវភ្ជុំបិណ្ឌតាមផ្ទះនីមួយ ៗ តែងតែនាំគ្នាធ្វើនំអន្សម នំគម នំបត់ នំជាល ជាដើម បើទោះបីជាផ្ទះខ្លះមិនបាន ធ្វើ ខ្លួនឯង ក៏មានបងប្អូននៅឯស្រុកធ្វើផ្ញើរមកឲ្យញ៉ាំដែរ ។
ថ្ងៃនេះសូមណែនាំនំមួយប្រភេទ ដែលមានគ្រឿងផ្សំនិងរសជាតិប្រហាក់ប្រហែលទៅនិងនំស្រុកយើងនោះគឺ កាលៈមេ ។ កាលៈមេគឺជានំផ្អែមមួយប្រភេទ មានរសជាតិផ្អែមឈ្ងុយឆ្ងាញ់ មានទំហំប៉ុន ៗ មេជើងតែប៉ុណ្ណោះ ។ បើប្រៀបកាលៈមេទៅនឹងនំស្រុកខ្មែរយើងវិញគឺដូចជានំជាល គ្រាន់តែថា កាលៈមេគេប្រើខ្ទិះដូងច្រើន តែទុកមិនបានយូរដូចជានំជាលនោះទេ នំជាលយើងអាចទុកបានរាប់ខែ តែកាលៈមេទុកបានតែបីថ្ងៃប៉ុណ្ណោះ ។
គ្រឿងផ្សំកាលៈមេមាន ម្សៅអង្ករដំណើប ស្ករស និង ខ្ទិះដូង ស្លឹកចេក (តែនៅតំបន់ខ្លះ គេមិនប្រើស្លឹកចេកទេ គេប្រើថង់ដើម្បីខ្ចប់) ។
មតិ