កាលពីមុននៅលើឡានក្រុងស្រុកយើងឃើញមានដាក់កៅអីជ័រ បន្ថែមគឺនៅពេលណាដែលមានមនុស្ស ឡើងតាមផ្លូវ ហើយគ្មានកន្លែងអង្គុយ ព្រូឡានក៏ចុះទៅយកកៅអីក្នុងឃ្លប់ឡានមកឱ្យអ្នកដំណើរអង្គុយ ។ តែឥឡូវនេះកៅអីជ័របែបនេះលែងឃើញមានទៀតហើយ នេះប្រហែលជាម្ចាស់ក្រុមហ៊ុនគេដឹង ទើបគេលែងឲ្យដាក់កៅអីជ័របន្ថែម ព្រោះបើតាមដឹងការដាក់បន្ថែមមនុស្សតាមផ្លូវនេះ លុយបានទៅលើតៃ កុងឡាន និង ព្រូឡាន តែម្ចាស់ក្រុមហ៊ុនមិនបានមួយកាក់មួយសេនទេ ។ ដូច្នេះដើម្បីដេញទាន់ជាន់កែងអ្នកបើកឡានម្ចាស់ក្រុមហ៊ុនមានវិធីសាស្ត្ររបស់គាត់ តែតៃកុងឡានក៏មិនអន់ប៉ុន្មានដែរ គាត់ក៏ មានល្បិចទល់ នឹង ល្បិចវិញដែរ ។ ព្រោះថាបើចាំតែដេកយកតែប្រាក់ខែនោះ រស់ម៉េចនឹងបានកូន ប្រពន្ធបានអីស៊ីបើប្រាក់ខែប៉ុណ្ណឹងនោះ (នេះជាសម្តីរបស់តៃកុងឡាន) ។ ចំណែកស្រុកថៃវិញគេនៅរក្សាកៅអីជ័រសម្រាប់បន្ថែមកៅអីដដែល ដែលកៅអីជ័រនេះមិនសូវទំនើបដូចជាកៅអីខ្មែរប៉ុន្មានទេ ព្រោះដាក់មនុស្សមិនសូវបានច្រើន ។ ខាងក្រោមនេះគឺជារូបភាពនៃការវិវត្តន៍ពីកៅអីជ័រមកជាកៅអីឈើជំនួសវិញ ព្រោះវាងាយស្រួលទុកដាក់ មិនចង្អៀត ហើយអាចដាក់បានច្រើនជាងកៅអីជ័រ (ស្រុកខ្មែរទំនើបមែន)
ថែមកៅអីនៅស្រុកថៃ
Posted by លី កល្យាណ on September 28, 2012 at 3:44 pm
ទំនើបនិងមានគំនិតច្នៃប្រឌិតខ្ពស់ណាស់ ខ្ញុំជាអ្នកនិយមការច្នៃប្រឌិតខ្ពស់ផង។
សូមលើកមេដាយមួយសិន។
Posted by Somada on September 28, 2012 at 4:34 pm
ផ្លូវទៅកំពង់ធំ មានជយបហើយឬនៅ? កែច្នៃតាមស្ថានការណ៍នោះអី បើមិនចេះឆ្នៃមានតែកូនស៊ីសៀង ។
Posted by លី កល្យាណ on September 29, 2012 at 9:55 am
ដូចជាមិនទាន់មានទេ ព្រោះជិះសល់កៅអីរហូត។ តែបើមនុស្សណែនៗបែបគេច្នៃចឹងដែរក៏មិនដឹង។
Posted by Somada on September 29, 2012 at 12:24 pm
តម្លៃសំបុត្រពីភ្នំពេញទៅសៀមរាប និង ភ្នំពេញកំពង់ធំខុសគ្នាដែរឬទេ ? ថ្លៃប៉ុន្មានដែរ?
Posted by Somada on September 29, 2012 at 12:26 pm
បែបអញ្ចឹងហើយមើលទៅ និយាយអញ្ចឹងតម្លៃសំបុត្រពីភ្នំពេញទៅកំពង់ធំ និង ភ្នំពេញសៀមរាបខុសគ្នាដែរឬទេ? ហើយតម្លៃប៉ុន្មានដែរ ?
Posted by លី កល្យាណ on September 29, 2012 at 3:23 pm
អត់មានសម្រាប់ភ្នំពេញ កំពង់ធំទេបង មានតែភ្នំពេញសៀមរាប ។ តេទៅកក់ បង់តែ ២៤០០០រៀល ទៅទិញដល់កន្លែង ២៧០០០រៀល ឡានវីរៈប៊ុនថាំ
Posted by Somada on September 29, 2012 at 3:33 pm
ស្រុកយើងពូកែរកស៊ីមែន ចុះត្រឹមណាក៏គិតតម្លៃប៉ុណ្ណឹងដែរហ្ន៎ ។ ថ្ងៃមុនជួបក្មេងមួយមកពីកំពង់ធំ គេប្រាប់ថាជិះឡានក្រុងពីសៀមរាបទៅកំពង់ធំថ្លៃ ២៥០០០រៀល បងស្ទើរតែមិនជឿព្រោះចម្ងាយផ្លូវត្រឹមនឹងសោះម៉េចក៏ថ្លៃម្ល៉េះ ។ តាមពិតគេគិតអញ្ចឹងសោះ។
Posted by Heng-dee on September 28, 2012 at 6:48 pm
យីតៃកុងឡានគេហ្នឹងពូកែមែនបង ! និយាយចឹងរឿងរកលុយក្រៅហ្នឹងឃើញមានគ្រប់កន្លែងហ្មង កាលមុនញ៉ុមជិះឡានទៅវៀតណាមមួយម៉ាក់ ជិះហួសចំណតតិចឡានគេឈប់ដាក់មនុស្សដែរ គេមានកន្លែងណាត់គ្នាតាហ្មង។
Posted by Somada on September 28, 2012 at 8:09 pm
អ្នកបើកឡាន និង អ្នកជិះ តាមផ្លូវ គេដឹងកន្លែងណាដែលឡានឈប់ និងមិនឈប់ដូចឌីថាដាក់ម៉ូគ្នានោះមិនខុសទេ ហើយបងក៏ចង់ដឹងដែរថា នៅកូរ៉េនោះមានកៅអីទំនើបបែបនេះទេ ?
Posted by Heng-dee on October 6, 2012 at 6:15 pm
អត់សោះ ហើយក៏គានផ្លូវមានដែរបង មានកាមេរ៉ាតាមឡាន នលើឡានមានតែតៃកុងតែម្នាក់ទេបង ។ គិតទៅស្រុកគេពិតជាពិសេសមែន ដល់ម៉ោងដឹងតែចេញទោះជាមានអ្នកជិះតែ២នាក់ក៏ដោយ ការកំណត់ពេលវេលារិតតែច្បាស់ពេលចេញ និងពេលដល់ ។ និយាយចឹងបងរឿទំនិញដែលយកជាប់ខ្លួនគេអត់យកលុយថែមទេបង
Posted by somada on October 8, 2012 at 8:24 am
ខាងយើងវិញមិនដឹងថ្ងៃណាធ្វើបានដូចគេទេ ។
Posted by ភរិយានិងម្ដាយម្នាក់ on September 29, 2012 at 2:40 pm
មិនមែនមានតែស្រុកយើងទេចឹង
Posted by Somada on September 29, 2012 at 3:21 pm
ស្រុកណាក៏មានដែរជីវី គ្រាន់តែគេប្រើស្ទីលផ្សេងគ្នាប៉ុណ្ណោះ ។
Posted by wealsrae on September 30, 2012 at 10:54 am
ភាគីឡានបបួលភាគីអ្នកជិះយល់ព្រម ។ ហេតុនេះទើបកើតការថែមថយនេះឡើង ។ បើអ្នកជិះបដិសេធន៍ហើយលះបង់ចិត្ដក្ដៅ(ចង់ប្រញាប់)ហ្នុងចេញ នោះភាគីឡានក៏មិនដឹងថែមអ្ចឹងដែរ ។ បើរកសុវត្ថិភាពគ្មានទេ គេម្នាក់ៗមានកន្លែងអង្គុយសិតែទន់ល្មើយ ងាកកៅអីថែមជាឈើ ជាជ័រ គុយទៅឈឺសឹងអី នេះតាមគិត មិនដែលធ្លាប់ទេ ។
Posted by somada on September 30, 2012 at 8:38 pm
មែនហើយលោកវាលស្រែ នេះក៏មកពីភាគីទាំងសងខាងព្រមព្រៀងគ្នាដែរ បើទះដៃតែម្ខាងក៏មិនឮដែរមែនទេ ? តែក៏មានអ្នកខ្លះស្រងាកចិត្តដែរពេលឡើងមកគ្មានកន្លែងអង្គុយ តែមិនដឹងធ្វើម៉េចបើជ្រុលឡើងមកទៅហើយ ចុះវិញក៏ពិបាកដែរ “ជ្រុលក្បាលក្រពើ” ។