១. ព្រះរាជាណាចក្រកម្ពុជា ផ្ការំដួល
២. ព្រះរាជាណាចក្រថៃ ផ្ការាជព្រឹក
៣. ប្រទេសឡាវ ផ្កាចំប៉ី
៤. ប្រទេសវៀតណាម ផ្កាឈូក 
៥. ប្រទេសម៉ាឡេស៊ី ផ្ការំយោល
៦. ប្រទេសភូមា ផ្កា Padauk 
៧. ប្រទេសហ្វីលីពីន ផ្កាម្លិះ 
៨. ប្រទេសឥណ្ឌូនេស៊ី ផ្កាអ័រគីដ
៩. ប្រទេសសឹង្ហបុរី ផ្កាអ័រគីដេ (Vanda Miss Joaquim)
១០. ប្រទេសប្រុយណេ ផ្កាSimpor 
ប្រភព akitia.com
vsthea 
Posted by មេឃា on February 16, 2011 at 10:07 am
កាលពីតូច ឧស្សាហ៍បានស្រង់ក្លិន ផ្ការំដួលណាស់… ប៉ា បេះយកមក ទុកក្នុងផ្ទះ ដើម្បីស្រង់ ក្លិន រាល់យប់… ក្លិនរំដួល នៅឈួលជាប់ច្រមុះ មិនទាន់បាត់ទេ ទោះបីជា កន្លងទៅ ច្រើនឆ្នាំ មកហើយ…
បច្ចុប្បន្ន ពេលឆ្លងកាត់ មុខសួនច្បារវត្តបុទុម តែងតែធុំក្លិនរំដួល មិនដឹងថា គេហដ្ឋានមួយណា នៅរក្សា ផ្កាបែបនេះទៀតទេ ??? តើផ្ទះនោះមាន សល់កូនក្រមុំទេ ហ្ន ???
Posted by vsthea on February 17, 2011 at 1:52 am
សុំទោសណាមេឃាដែលធ្វើឲ្យនឹកឃើញរឿងពីអតីតកាល ។ មេឃាព្យាយាម តាមហិតក្លិននោះរហូតទាល់តែរកឲ្យឃើញទៅ ហើយបើចង់ដឹងមានកូនក្រមុំ ឬ អត់នោះ សាកចូលទៅ ហើយកុំភ្លេចមើលឆ្កែផង ប្រយ័ត្នវាខាំណា៎ !
Posted by មេឃា on March 10, 2011 at 12:48 pm
ឱ្យតែ ឆ្កែហ៊ានមើលមុខខ្ញុំកោត… មិនបាច់ដល់ខាំទេ…
បើទោះបីជា ចង់ខាំ ក៏ខាំមិនមុតដែរ… ព្រោះមាន អាគម ការពារ…
Posted by somada on March 11, 2011 at 8:38 am
អូ! មានអាគមទៀត បង្រៀនខ្ញុំផងបានទេ ?
Posted by មេឃា on March 14, 2011 at 9:22 am
ធ្លាប់ឮ ពាក្យថា «អក្សរខ្មែរ មានអាគម» អត់ ? អាគម ខាំមិនមុត អីអស់ហ្នឹង បើមនុស្សធម្មតា ដែលមិនចេះអាគម ទាល់តែ សាក់លើស្បែក…
សម្រាប់ Thea នៅឆ្ងាយអីចឹង គ្រាន់តែស្លៀកខោប៊យដែលក្រាស់ៗទៅ ឆ្កែ (តូចៗ)ខាំលែងបានហើយ… បើឆ្កែនៅស្រុកគេធំៗអីចឹង មានតែព្យាយាមនៅឱ្យឆ្ងាយពីវាទៅ… 🙂
Posted by vsthea on March 14, 2011 at 1:42 pm
អរគុណចំពោះពាក្យណែនាំរបស់មេឃា ។
Posted by - ក្មេងពាល - on February 22, 2011 at 6:47 am
នឹកឃើញផ្ការំដួល ធ្វើអោយញ៉ុម ឃ្លានផ្លែរបស់វាណាស់! ពិតជាឆ្ងាញ់មែន! បងស្រីចេះតែរំលឹកអោយឃ្លានហើ្យតើហ្នៀក៎!
Posted by មេឃា on March 10, 2011 at 12:45 pm
ក្មេងពាល ចេះបកបោកមនុស្សចាស់ ដូច សុធា កើត… អីណា ផ្លែរំដួល ឆ្ងាញ់ !???
ចេះតែនឹកឃើញហ្មង…
Posted by Khmerling on March 15, 2011 at 12:37 pm
លោកមេឃាជួយប្រាប់ផង រំដួលមានផ្លែឬទេ ?
Posted by vsthea on February 24, 2011 at 7:22 am
(ខ្សិបដាក់ wordpress) ក្មេងពាលស្គាល់ដើមផ្ការំដួលនេះទេ ? ខ្ញុំមិនដែលបានឃើញដើម ឬ ផ្កាដោយផ្ទាល់ទេ ស្គាល់តាមរយៈរូបភាពតែប៉ុណ្ណោះ ។ អរគុណណ៎ាក្មេងពាលដែលបានចូលមកលេងផ្ទះរបស់បង ។ កែខ្លួនជាក្មេងល្អវិញនៅ ?
Posted by សម្ផស្ស on February 25, 2011 at 9:31 am
គួអោយសោកស្តាយណាស់ដែលខ្ញុំនៅស្រុកខ្មែរដែរតែអត់ទាន់ស្គាល់ផ្ការំដួលផងធ្លាប់លឺតាឈ្មោះ តើផ្ការំដួលនឹងសំបូរដុះនៅទីណាទៅ?
Posted by Khmerling on February 26, 2011 at 2:08 pm
ប្រហែលជាសំបូរនៅខេត្តបាត់ដំបង ព្រោះមីងខ្ញុំម្នាក់គាត់នៅក្បែរវត្តមួយឈ្មោះថា វត្តរំដូល ។
Posted by somada on February 27, 2011 at 1:43 am
សួស្តីលោកខ្មែរលីងខ្ញុំអត់ស្គាល់វត្តរំដួលហ្នឹងផង នាំខ្ញុំទៅលេងផងបានទេ ? (និយាយលេងទេច៎ាសគិៗៗៗៗ)
Posted by cambodiajewelry on March 18, 2016 at 11:10 am
នៅក្រុងសៀមរាប បើលោកជិះតាមផ្លូវកំពង់ចាមឆ្ពោះទៅសៀមរាបក៏អាចឃើញ
Posted by vsthea on February 25, 2011 at 11:42 am
បងក៏អត់ដឹងដែរ !!! តែល្បីថាផ្ការំដួលក្រអូបណាស់ (បងក៏មិនធ្លាប់ឃើញដែរ)
Posted by បុរិន្ទ on March 18, 2011 at 9:34 am
ចឹងតើបានបងថ្លៃដាក់រូបផ្ការំដូល ដំបូងឆ្ងល់ដែរមិចក៏ដាក់រូបហ្នឹង។
យកផ្ការំដូលមកដំណាងខ្លួនហើយ បែជាម្ចាស់ខ្លួនអត់ដែលឃើញ។
ចំណែកខ្ញុំធ្លាប់ឃើញ ហើយក៏ធ្លាប់ហិតដែរ 😆
Posted by somada on March 18, 2011 at 9:56 am
បងធ្លាប់ឃើញតើ(តាមរូបថត) តែគ្រាន់តែមិនដែលបានប៉ះ ។ ម៉េចដែរប្អូនប្រុស ផ្ការំដួលក្រអូបទេ ?
Posted by រចនា on February 25, 2011 at 1:31 pm
ចង់ស្គាល់ផ្ការំដួល អាចទៅរកនៅវត្តភ្នំបាន… នៅក្បែរៗនាឡិកាធំ! គិតថាពិបាករកសម្រាប់អ្នកមិនធ្លាប់ស្គាល់ តែសន្តិសុខនៅទីនោះក៏មាន បើរកមិនឃើញក៏សួរគេមួយម៉ាត់ទៅ! ផ្កាប្រចាំជាតិគួរតែដឹងដែរ!
Posted by មេឃា on March 10, 2011 at 12:46 pm
នៅ វត្តបទុម ក៏មានដែរ តែ រចនា មិនធ្លាប់ដឹង…
Posted by រចនា on March 11, 2011 at 8:33 am
ក្រែងវាពិបាករកទើបណែនាំកន្លែងដែលងាយស្រួលរក! 😛
Posted by មេឃា on March 14, 2011 at 9:25 am
រចនា ដឹងអត់ថា នៅវត្តបុទុម មានផ្ការំដួល… ?
ធានា ថា អត់ដឹង ព្រោះ រចនា មិនពូកែប្រើច្រមុះ… (មានមនុស្សចំនួនមួយប្រាប់ដូច្នេះ…) :-p
Posted by រចនា on March 15, 2011 at 8:22 am
នរណាអ៊ីចេះ?
Posted by vsthea on February 25, 2011 at 1:40 pm
បងធ្លាប់ទៅដែរ តែមិនបានសង្កេតសោះ អរគុណណ៎ាស្រីតូចរចនា ។
Posted by សម្ផស្ស on February 28, 2011 at 11:18 am
តាមខ្ញុំលឺល្បីនោះរំដួលមានតែពីរទេ
១. គឺរំដួលខេត្តក្រចេះ
២. គឺរំដួលខេត្តកំពង់ស្ពឺមានដុះនៅតាមវាលស្រែនៅក្នុងស្រុកសំរោងទងនឹងភ្នំស្រួចគត់(ម្តាយខ្ញុំនិយាយប្រាប់)។
តែខ្ញុំអត់ដឹងថាតើរំដួលក្រចេះនឹងរំដួលកំពង់ស្ពឹនឹងដូចគ្នាឬក៍អត់ទេ ។ ហើយបើអត់តើរំដួលមួយណាជាផ្កាដំណាងអោយជាតិយើង (រំដួលទាំងពីនឹងខ្ញុំអត់ស្គាល់ទាំងពីរ ។
Posted by vsthea on February 28, 2011 at 8:39 pm
បងក៏មិនដឹងច្បាស់ដែររឿងហ្នឹង ។ បងនឹងព្យាយាមរកព័ត៌មានបន្ថែមទៀតលើផ្កានេះ អរគុណណ៎ាលោកសម្ជស្សដែលឧស្សាហ៍មកលេង ។
Posted by lykalyane on March 14, 2011 at 5:29 pm
ជម្រាបសួរម្ចាស់ផ្ទះ។
នៅស្រុកកំពង់ធំខ្ញុំក៏សម្បូរដើមរំដួលដែរ។
នៅភ្នំពេញយើងអាចរកមើលដើមរំដួលនៅសាកលវិទ្យាល័យភូមិន្ទភ្នំពេញ (តែផ្ការីកមិនទាន់ទេបាត់ខ្លួនហើយ ឯផ្លែវិញមិនបាច់និយាយ)។ ខ្ញុំទៅមើលផ្ការំដួលរីករាល់អាទិត្យតែមិនទាន់អ្នកបេះទេ។
Posted by vsthea on March 14, 2011 at 7:09 pm
អរគុណដែលបានប្រាប់ បើមានឱកាសខ្ញុំនឹងួទៅមើល ។
Posted by Khmerling on March 15, 2011 at 12:35 pm
តើរំដួលមានផ្លែទេឬជារុក្ខជាតិមានតែផ្កា ? ធ្លាប់ឃើញតែផ្កា តើផ្លែរំដួលហ្នុងមានរួបរាងយ៉ាងម៉េចដែរ ។ សូមចង់ដឹងផង ។
Posted by lykalyane on March 16, 2011 at 10:40 pm
បើអត់មាននរណាឆ្លើយខ្ញុំសុំជម្រាបជូន។
ផ្លែរំដួលមានពណ៌ក្រហមក្រម៉ៅតិចៗពេលជិតទុំនិងប្រែជាក្រហមក្រម៉ៅនៅពេលទុំជោរល្អ ហើយវាផ្លែជាកញ្ចុំ ពេលយើងញ៉ាំវា អណ្តាតនិងធ្មេញសុទ្ធតែក្រហមក្រម៉ៅ។ គេមិនសូវនិយមញ៉ាំព្រោះគ្រាប់វាធំពេកសាច់តិចមួយរួចបើទុំជោរពេកឆាប់ខូច(ជូរ)ត្រូវថ្នមផ្លែវាណាស់។ ស្រុកខ្ញុំពេលដើរព្រៃសម្បូរដែរតែបេះមិនដែលទាន់អ្នកស្រុកទេព្រោះគេត្រូវការលក់វា។
តែខ្ញុំចូលចិត្ត។
ប្រហែលជាអ្នកមីង Chanbo keo ក្នុង Facebook គាត់មានរូបនេះមើលទៅ។ សុំទោសកុំព្យូទ័រខ្ញុំចាស់ពេក ពិបាកបើកមើលរូបថតផ្លែឈើក្នុង Facebook របស់គាត់ទើបមិនមាន Link ជូនមើល។
Posted by Khmerling on March 17, 2011 at 6:43 am
សូមខ្ចីវេទិកានេះអរគុណប្អូន lykalyane៖ ខ្ញុំជ្រែកមេឃទៅរកនៅ Facebook របស់មីង Chanbo Keo ដែរ តែអស់សិល្ប៍រកមិនឃើញ ឬអាចមកពីកុំព្យូទ័រខ្ញុំចាស់ដំណាលនឹងកុំព្យូទ័រប្អូនដែរហើយ ទើបរកមិនឃើញ ។ តែពេលត្រឡប់មកវិញចៃដន្យជួបផ្ទះមួយទៀតរបស់គាត់ ខ្ញុំចូលទៅលុកលុយក៏ឃើញផ្លែរំដួលនៅទីនោះ ។ http://www.chanbokeo.com/index.php?gcm=1411&grid=129923>op=5144
អរគុណ lykalyane ណា៎!
Posted by somada on March 17, 2011 at 9:33 am
អរគុណដែលបានណែនាំម្ចាស់ប្លកឲ្យស្គាល់ ។ ខ្ញុំនឹងទៅរកដើមរំដួលឲ្យឃើញ ជាពិសេសទៅទៀតនោះចង់ស្គាល់រសជាតិផ្លែរំដួល ដែលជាផ្កាតំណាងប្រទេសយើង ។
Posted by តា ម៉ាប់ on February 22, 2013 at 12:26 am
ផ្ការីកក្នុងចិត្ត
Posted by somada on February 22, 2013 at 7:00 am
មានដែរហីតាម៉ាប់ ជួយថតយកមកបង្ហាញផង ។
Posted by តា ម៉ាប់ on February 22, 2013 at 10:13 am
ឥតមានផងបង ។ ខ្ញុំទើបបកប្រែអត្ថបទពីនិមិត្តរូបជាតិខ្មែរ យករូបបងទៅប្រើដែលណឹង 😀
Posted by somada on February 22, 2013 at 6:35 pm
រូបទាំងអស់នេះបងយកពីគេដែរទេ ក្នុងចំណោមរូបខាងលើអត់មានរូបណាមួយជារបស់បងទេ ។